இலங்கையில் பண்டைக்காலம் முதலே கால்நடை வளர்ப்பு இருந்ததற்கான சான்றுகள் உள்ளன. அது எவ்வாறு வணிகமாக உருவெடுத்தது என்பதைப் பார்ப்போம். மனிதனுக்கும் விலங்குகளுக்கும் இடையிலான உறவு வரலாற்றுக்கு முற்பட்ட காலம் வரை நீண்டுள்ளது. இந்த உறவு பல யுகங்களாக நீடித்தது.
வேட்டையாடும் காலத்தில் வனவிலங்குகள் பல்வேறு யுக்திகளைப் பயன்படுத்தி வேட்டையாடப்பட்டு உணவுக்காகப் பயன்படுத்தப்பட்டன. ஈடேரா காலத்தில், குறைந்த எண்ணிக்கையிலான காட்டு விலங்குகள் அடக்கி வளர்க்கப்பட்டு பின்னர் தேவைகளுக்குப் பயன்படுத்தப்பட்டன. விவசாய காலத்தில், மனிதன் தனது உணவு மற்றும் பிற தேவைகளுக்காக குறைந்த எண்ணிக்கையிலான கால்நடைகள் மற்றும் பிற பண்ணை விலங்குகளை வளர்க்கத் தொடங்கினான். இந்த நோக்கத்திற்காக விலங்குகளை வளர்ப்பது விலங்கு வளர்ப்பு என்று அழைக்கப்படுகிறது.
தற்போது, பல நாடுகளில் உள்ளதைப் போலவே, இலங்கையிலும் அரச துறை மற்றும் தனியார் துறையினரால் வணிகமாக சிறப்புமிக்க விலங்கு பண்ணைகள், வெற்றிகரமாகப் பராமரிக்கப்படுகின்றன.
பசு, எருமை, கோழி, ஆடு மற்றும் பன்றிகள் இலங்கையில் வளர்க்கப்படும் முக்கிய விலங்குகள் ஆகும் . அது மட்டுமன்றி செம்மறி ஆடுகள், முயல்கள், வாத்துகள், வான்கோழிகள் மற்றும் காடைகளும் வளர்க்கப்படுகின்றன. இலங்கையில் பசு வளர்ப்பு மற்றும் எருமை வளர்ப்பு முக்கியமாக பால் உற்பத்தியை இலக்காகக் கொண்டுள்ளது. அதன்படி, பசுவின் மற்றும் எருமையின் பால், , கொழுப்பு நீக்கப்பட்ட பால், சீஸ், வெண்ணெய், ஐஸ்கிரீம், தயிர், பால் பவுடர் மற்றும் சுவையூட்டப்பட்ட பால் போன்ற பல பொருட்களும் சந்தையில் கிடைக்கின்றன. அதுமட்டுமல்லாமல், எருமை மற்றும் மாடுகளை கூலி வேலைக்காக வளர்ப்பது விவசாய குடியிருப்புகளுடன் இணைந்து செய்யப்படுகிறது.
பண்ணை விலங்குகளின் தேர்வு
பண்ணைக்கு விலங்குகளைத் தேர்ந்தெடுக்கும்போது பல்வேறு குணாதிசயங்களைக் கருத்தில் கொள்ள வேண்டும். பண்ணை விலங்குகளை இரண்டு முக்கிய வகைகளாக வகைப்படுத்தலாம்.
- பிறப்புரிமை அடிப்படையில்
- நன்மைகளின் படி
பிறப்புரிமை அடிப்படையில் கால்நடைகளை இரண்டு வகையாகப் பிரிக்கலாம்.
- ஐரோப்பிய கால்நடை இனங்கள்
- இந்திய கால்நடை இனங்கள்
கால்நடைகள் அவற்றிலிருந்து கிடைக்கும் நன்மைகளைப் பொறுத்து மேலும் வகைப்படுத்தலாம்.
- பால் பெறுவதற்கு – உதாரணம் ஜெர்சி, ப்ரெஷியர். அயர்ஷயர், சிந்தி, சஹிவால்
- இறைச்சியைப் பெறுவதற்கு – உதாரணம் ஹியர்போர்ட், பீஃப் மாஸ்டர், அங்கஸ்
- வேலைக்கு – உதாரணம். ஹிலாரி, காங்கேயன், ஹரியானா
இறைச்சிக்காக மட்டும் கால்நடைகள் இலங்கையில் வளர்க்கப்படுவதில்லை, ஆனால் வடக்கு மற்றும் தென் அமெரிக்கா, ஆஸ்திரேலியா மற்றும் ஐரோப்பாவில் கால்நடைகள் இறைச்சிக்காக வளர்க்கப்படுகின்றன.
கறவைப்பசு வர்க்கங்கள்
கால்நடைகளின் இனங்கள் இலங்கையில் பால் உற்பத்திக்காக வளர்க்கப்படும் உள்ளூர், ஐரோப்பிய மற்றும் இந்திய இன கால்நடைகள் ப்ரெஷியர், ஜெர்சி, அயர்ஷயர், AMZ, சாஹிவால், AFS, சிந்தி, AMX போன்றவை ஆகும்.
ஐரோப்பிய கால்நடை இனங்கள்
- ஃப்ரெஷியர்
பாலுக்காக வளர்க்கப்படும் விலங்குகளில், அதிக பால் உற்பத்தியைக் கொடுக்கும் இனம் ஃப்ரெஷியர் ஆக கருதப்படுகிறது. இவ் ஐரோப்பிய கால்நடை இனம் நெதர்லாந்தில் தோன்றின. உடல் வெள்ளை நிறத்தில் காணப்படும். நீளமான கொம்புடையது. உடல் அளவு பருத்தது. ஒரு முதிர்ந்த ஆண் சுமார் 900-1100 கிலோ எடையும், ஒரு பெண் 550-650 கிலோ எடையும் இருக்கும். ஒரு தடவையில் உற்பத்தி செய்யப்படும் பாலின் அளவு சுமார் 6000-7000 லிட்டர் மற்றும் பாலின் கொழுப்பு உள்ளடக்கம் சுமார் 3.5-4.0% ஆகும். இந்த விலங்குகள் குளிர் காலநிலைக்கு மிகவும் பொருத்தமானவை. எனவே, இலங்கையின் ஈரப்பதமான மலையக பகுதிக்கு இது மிகவும் பொருத்தமானது. உயர்தர கலப்பினங்களை உள்ளூர் கால்நடைகளுடன் இனக்கலப்பு செய்வதன் மூலம் இவ்வகை இனங்களை பெறலாம்.
- அயர்ஷயர்
பாலுக்காக பயன்படுத்தப்படும் ஒரு ஐரோப்பிய இன மாடு. ஐக்கிய இராச்சியத்தின் அயர்ஷையரில் உருவானது. சிவப்பு அல்லது பழுப்பு நிற புள்ளிகளை உடம்பில் கொண்டுள்ளது. வெள்ளை நிற உடலை உடையது. ஆனால் அடர் பழுப்பு அல்லது வெள்ளை மாடுகளும் உள்ளன. நீளமான கொம்புடையது. உடல் நடுத்தர அளவுடையது. ஒரு ஆண் விலங்கு 800 – 900 கிலோ எடையும், ஒரு பெண் விலங்கு 600 – 700 கிலோ எடையும் உள்ளது. ஒரு தடவையில் உற்பத்தியாகும் பாலின் அளவு சுமார் 4500-6000 லிட்டர் மற்றும் பாலில் உள்ள கொழுப்பின் சதவீதம் சுமார் 4% ஆகும். இந்த விலங்குகளை வளர்ப்பதற்கு இலங்கையின் மலையக ஈர மண்டலம் மிகவும் ஏற்றது.
- ஜெர்சி
ஐரோப்பாவைச் சுற்றியுள்ள ஜெர்சி தீவுகளில் இவை காணப்படுகின்றன. இந்த விலங்குகள் பாலுக்காக வளர்க்கப்படுகின்றன. உடல் நிறம் பழுப்பு அல்லது செம்பு அல்லது சாம்பல் நிறமாக இருக்கலாம். ஆணுடன் ஒப்பிடுகையில், பெண் இளம் நிறமுடையது. உடல் அளவில் சிறிய பருமனுடையது. ஒரு முதிர்ந்த ஆண் 500-600 கிலோ எடையும், ஒரு பெண் 400-500 கிலோ எடையும் இருக்கும். இந்த விலங்குகளின் கொம்புகள் முன்னோக்கி வளைந்திருக்கும். துருத்திய கண்களை கொண்டிருக்கும். ஒரு தடவையில் உற்பத்தியாகும் பாலின் அளவு சுமார் 4000-4500 லிட்டர்கள் மற்றும் பாலில் உள்ள கொழுப்பின் சதவீதம் சுமார் 4.5-5.4% ஆகும். நோய்களை தாக்குப்பிடிக்க கூடியவை. இவற்றின் பராமரிப்பு எளிதானது. மேட்டு நிலப்பகுதி மற்றும் நடுநில ஈரமான பகுதிகளுக்கு ஏற்றது. ஐரோப்பிய கால்நடை இனங்களில், இவை கடுமையான சூழலைத் தாங்கும் திறன் கொண்டவை.
இந்திய கால்நடை இனங்கள்
- சஹிவால்
பாகிஸ்தானில் தோன்றிய இந்த விலங்குகள் பாலுக்காக வளர்க்கப்படும் இனமாகும். இது பெரிய உடலைக் கொண்ட மற்றும் வெளிர் சிவப்பு பழுப்பு நிறத்தில் உள்ள இனமாகும். ஒரு முதிர்ந்த ஆண் 500-600 கிலோ எடையும், ஒரு பெண் 400-450 கிலோ எடையும் கொண்டது. ஒரு தடவையில் உற்பத்தியாகும் பாலின் அளவு 2000-2500 லிட்டர் மற்றும் பாலில் உள்ள கொழுப்பின் சதவீதம் 4.5% ஆகும். நோய்களைத் தாங்கும் ஆற்றல் கொண்ட இந்த விலங்குகள், வறண்ட பகுதியிலும், நடுநிலம் மற்றும் தாழ்நிலங்களின் வறண்ட பகுதிகளிலும் நன்றாக வளரக்கூடியவை.
- ரெட் சிந்தி
பாகிஸ்தானின் கராச்சி பகுதியில் இருந்து உருவான ஒரு இந்திய இன கால்நடை. உடல் நிறம் சிவப்பு அல்லது பழுப்பு ஆகும். பால் மற்றும் உழைப்புக்காக பயன்படுத்தப்படும் விலங்கு வகை. நடுத்தர உடல் அளவு. முதிர்ந்த ஆணின் எடை 450 – 500 கிலோ மற்றும் பெண் எடை 300 – 350 கிலோ வரை இருக்கும். இந்த விலங்குகள் ஒரு தடவையில் உற்பத்தி செய்யும் பாலின் அளவு 2000 லிட்டர் மற்றும் பாலில் உள்ள கொழுப்பின் சதவீதம் 4.5-5.0% ஆகும். பக்கவாட்டில் நீண்ட வளைந்த கொம்புகள் உள்ளன. காதுகள் பெரியவை. இந்த விலங்குகள் பல்வேறு சுற்றுச்சூழல் நிலைமைகளின் கீழ் வளரக்கூடியன. இலங்கையின் உலர் வலயத்தில் வளர்ப்பதற்கு பரிந்துரைக்கப்படுகின்றன.
- உள்ளூர் இனம்
இந்த நாட்டில் பிறந்த ஒரு இன மாடு. பொதுவாக உள்ளூர் கால்நடை இனமாக அறியப்படுகிறது. இது நாட்டின் அனைத்துப் பகுதிகளிலும் காணப்பட்டாலும், வறண்ட பிரதேசத்தின் இயற்கையான புல்வெளிகளில் அதிகமாகக் காணப்படுகிறது. இந்த விலங்குகள் கடுமையான சூழலை நன்கு தாங்கக்கூடியவை. உடல் நிறம் கறுப்பு அல்லது சிவப்பு ஆகும். உடலில் வெள்ளை நிற புள்ளிகள் உள்ளன. ஒரு முதிர்ந்த ஆண் சுமார் 200-300 கிலோ எடையும், ஒரு பெண் 150-300 கிலோ எடையும் கொண்டிருக்கும். ஒரு தடவையில் 600-700 லிட்டர் பால் எடுக்கலாம். பால் மற்றும் இறைச்சியைப் பெறுவதற்கும், சுமைகளை இழுப்பதற்கும், மற்ற அனைத்து நடவடிக்கைகளுக்கும் ஏற்றது. சிறந்த கால்நடைகளை கலப்பின வளர்ப்பதன் மூலம் உள்ளூர் இனங்களை மேம்படுத்தலாம்.
- கால்நடைகளின் கலப்பின இனங்கள் – அவுஸ்திரேலிய பால் கறக்கும் செபு (AMZ) Australian Milking Zebu
ஜெர்சி இனமானது சஹிவால் அல்லது சிந்தி இனத்துடன் கலக்கும் போது உருவாவதாகும். உடல் நிறம் தங்கம் முதல் பழுப்பு வரை காணப்படும். உடல் அளவு சிறியது. ஒரு தடவையில் உற்பத்தியாகும் பாலின் அளவு சுமார் 3000 லிட்டர். கொம்புகள் இல்லை. மென்மையான தோலைக் கொண்டது. உலர் மண்டலம், நடுநிலம் மற்றும் தாழ்நில ஈர மண்டலம் மற்றும் தென்னை முக்கோணத்தில் காணப்படும்.
எருமை மாட்டு வர்க்கங்கள்
இந்திய வம்சாவளியைச் சேர்ந்த எருமைகள் இலங்கையில் பால் உற்பத்திக்காக வளர்க்கப்படுகின்றன. அவற்றை உள் மற்றும் வெளிநாட்டு வகைகளாக வகைப்படுத்தலாம்.
- உள்ளூர் – உதாரணம் – உள்ளூர் எருமை
- வெளிநாட்டு – உதாரணம் – முர்ரா, சுர்தி, நிலிரவி
கால்நடைகள் பால் மற்றும் விவசாய, தொழில்துறை நோக்கங்களுக்காக வகைப்படுத்தப்படுகின்றன. அதன்படி, பின்வரும் வகைகளை எடுத்துக்காட்டுகளாகக் குறிப்பிடலாம்.
- பால் கறப்பதற்கு – முர்ரா, சுர்தி, நிலிரவி
- உழைப்புக்கு/ இரட்டை நோக்கத்திற்காக – உள்ளூர் எருமைகள்
- முர்ரா
பஞ்சாப் மற்றும் டெல்லியை பூர்வீகமாகக் கொண்ட ஒரு வகை. நன்கு உருவான உடலுடன் அடர் கருப்பு நிறம் கொண்டவை. குறுகிய சுருண்ட கொம்புகளைக் கொண்டவை. பால் உற்பத்தியில் சிறந்தவை. ஒரு தடவையில் 1200-2200 லிட்டர் பால் உற்பத்தி செய்கிறது. பாலில் உள்ள கொழுப்பின் சதவீதம் 7% ஆகும். ஆணின் எடை 600-700 கிலோ மற்றும் பெண்ணின் எடை 500-600 கிலோ ஆகும்.
- சுர்தி
இது பஞ்சாபின் சுர்தி பகுதியில் இருந்து உருவானது. இது பழுப்பு நிற சாம்பல் நிறத்தைக் கொண்டுள்ளது. நடுத்தர அளவிலான உடல். ஒரு தடவையில் சுமார் 1300-1400 லிட்டர் பால் உற்பத்தி செய்யப்படுகிறது. பாலில் உள்ள கொழுப்பின் சதவீதம் சுமார் 7-7.5% ஆகும். ஆணின் எடை 550-600 கிலோ மற்றும் பெண்ணின் எடை 400-500 கிலோ ஆகும்.
- நிலிரவி
இது இந்தியாவிலும் பாகிஸ்தானிலும் உருவானது. கொம்புகள் சுருண்டிருக்கும். மடி நன்கு வளர்ந்திருக்கிறது. வால் நீளமானது. உடல் கருப்பு அல்லது பழுப்பு நிறமானது. நெற்றி, வால் நுனி மற்றும் பாதங்களின் நுனி ஆகியவை வெண்மையாக காணப்படும். கண்கள் பிரகாசமாக காணப்படும். ஒரு தடவையில் சுமார் 2000 லிட்டர் பால் கொடுக்கப்படுகிறது. பாலில் உள்ள கொழுப்பின் சதவீதம் சுமார் 7-7.5% ஆகும். ஆணின் எடை 600-700 கிலோ மற்றும் பெண்ணின் எடை 450-550 கிலோ ஆகும்.
- உள்ளூர் எருமை
இலங்கையில் உள்ள பூர்வீக எருமை சதுப்பு எருமை என்று அழைக்கப்படுகிறது. உடல் கருப்பு அல்லது பழுப்பு அல்லது சாம்பல் நிறமானது. கொம்புகள் நன்றாக வளர்ந்திருக்கும். கொம்புகளின் கூர்மை நிலை வேறுபட்டது. பால் உற்பத்தி குறைவு.
இலங்கையில் பரிந்துரைக்கப்பட்ட கால்நடை இடங்கள் மற்றும் இனங்கள்
இலங்கையின் வெவ்வேறு பிரதேசங்கள் வெவ்வேறு காலநிலை நிலைமைகளான சூழல் வெப்பநிலை, மழைப்பொழிவு மற்றும் ஈரப்பதன் என்பவற்றை கொண்டுள்ளன. கடல் மட்டத்திற்கு மேல் உள்ள பகுதிகளின் உயரத்திற்கு ஏற்ப இந்த மாற்றங்கள் ஏற்படும். அதன்படி, கால்நடை உற்பத்தி சுகாதார திணைக்களம் இலங்கையில் ஆறு சிறப்பு வலயங்களை கால்நடை வளர்ப்பு வலயங்களாக அடையாளப்படுத்தியுள்ளது. அவையாவன:
- மலையகப் பகுதிகள்
- மத்திய நிலப்பகுதிகள்
- தாழ்நில ஈர மண்டலங்கள்
- தென்னை முக்கோணம்
- யாழ் குடாநாடு
கடல் மட்டத்திலிருந்து 100 மீட்டருக்கும் அதிகமான உயரத்தில் அமைந்துள்ளது. சூழல் வெப்பநிலை சுமார் 10-24 டிகிரி செல்சியஸ் ஆகும். சராசரி ஆண்டு மழைப்பொழிவு 2000 மிமீக்கும் அதிகமாகும். ஈரப்பதன் சுமார் 58% – 75% ஆகும். இந்த பிராந்தியத்தில் ப்ரெஷியர், ஜெர்சி, அயர்ஷயர் போன்ற தூய ஐரோப்பிய கால்நடை இனங்களை இனப்பெருக்கம் செய்ய முடியும்.
- மத்திய நிலப்பகுதி
கடல் மட்டத்திலிருந்து 300-1000 மீட்டர் வரை காணப்படும். சராசரி சூழல் வெப்பநிலை சுமார் 28 – 31 டிகிரி செல்சியஸ் ஆகும். சராசரி ஆண்டு மழைப்பொழிவு 1800 – 2500 மிமீ மற்றும் ஈரப்பதன் சுமார் 65-75% ஆகும். தூய ஐரோப்பிய இனங்களான ஜெர்சி, அயர்ஷைர் போன்றவையும், 50% ஐரோப்பிய இரத்தம் கொண்ட கலப்பின மாடுகளான AFS/AMZ போன்றவையும் நுணுக்கமான முறையில் இங்கு இனப்பெருக்கம் செய்ய முடியும்.
- தாழ்நில ஈர மண்டலம்
கடல் மட்டத்திலிருந்து 300 மீட்டருக்கும் குறைவான உயரத்தில் அமைந்துள்ளது. சராசரி ஆண்டு மழைப்பொழிவு 2500 மிமீக்கும் அதிகமாகும். சராசரி சூழல் வெப்பநிலை 24-35 டிகிரி செல்சியஸ் செல்சியஸ் ஆகும். ஈரப்பதன் சுமார் 75% – 80% ஆகும். ஜெர்சி போன்ற தூய ஐரோப்பிய இனங்கள் இப்பகுதியின் நுணுக்கமான முறையில் இனப்பெருக்கம் செய்யப்படலாம் என்றாலும், AMZ மற்றும் AFS போன்ற 50% ஐரோப்பிய இரத்தம் கொண்ட கலப்பினங்கள் விரும்பத்தக்கவை. சஹிவால், சிந்தி போன்ற தூய இந்திய இனங்களை எளிதாக வளர்க்கலாம்.
- தாழ்நில உலர் மண்டலம்
கடல் மட்டத்திலிருந்து 300 மீட்டர் வரை அமைந்துள்ளது. உலர் வலயத்தில் சராசரி சூழல் வெப்பநிலை 31 – 32 டிகிரி செல்சியஸ் மற்றும் சராசரி ஆண்டு மழைப்பொழிவு 1878 மிமீக்கும் குறைவாக உள்ளது. ஈரப்பதன் சுமார் 70% – 85%. சீரான மழைப்பொழிவு இல்லை. கடுமையான வறண்ட காலநிலை உள்ளது. சிந்தி மற்றும் சஹிவால் போன்ற தூய மாடுகளை இங்கு நன்றாக வளர்க்க முடியும். 50% ஐரோப்பிய இரத்தம் கொண்ட AFS, AMZ போன்ற இனங்கள் நுணுக்கமான முறைகளின் கீழ் இனப்பெருக்கம் செய்யப்படலாம். மேலும் 75% ஐரோப்பிய இரத்தம் கொண்ட ஜெர்சிகள் மேம்பட்ட வீட்டு அமைப்புகளின் கீழ் இனப்பெருக்கம் செய்யலாம்.
- தென்னை முக்கோணம்
குருநாகல், ஹலவத்தை மற்றும் கொழும்புக்கு இடைப்பட்ட பகுதி தென்னை முக்கோணமாக கருதப்படுகிறது. கடல் மட்டத்திலிருந்து 450 மீட்டர் வரை அமைந்துள்ளது. சராசரி சூழல் வெப்பநிலை 24-36 டிகிரி செல்சியஸ் மற்றும் சராசரி ஆண்டு மழைப்பொழிவு 1200-4000 மி.மீ ஆகும். ஈரப்பதன் சுமார் 60% – 80% ஆகும். 75%-100% ஐரோப்பிய இரத்தம் கொண்ட ஜெர்சி விலங்குகளை நுணுக்கமான முறைகளின் கீழ் இனப்பெருக்கலாம். மற்றும் 50% கலப்பினங்களான AFS, AMZ போன்றவற்றை அரை நுணுக்கமான முறைகளின் கீழ் இனப்பெருக்கலாம். மேலும், சஹிவால், சிந்தி ஆகிய தூய இந்திய மாடுகளை நன்றாக வளர்க்கலாம்.
ஆதாரம் – விவசாயம் மற்றும் உணவு தொழில்நுட்பம் – கல்வி வெளியீட்டுத் திணைக்களம்
